لويرجع بينا الزمن نعمل اه

[center]الا ليت الشباب يعود يوما
فاخبره بما فعل بي المشيب

هذا البيت هو بيت مشهور لرجوع الزمان مرة اخرى تفتكري لو ان الزمن رجع بيكي تاني تتمني يقف عند اي نقطة وميقفش عند اي نقطة في حياتك
عني فانا اتمنى ان يعود بي الزمان الى ايام ان كنت طفلا افرح عندما انجح وازعل لما الاقي ترتيبي مش من الخمسة الاوائل ده لان انا حاسس ان طلبة اليومين دول مش بدماغهم اي حاجة .
واحد الاصدقاء قال
كنت اتمنى الزمن يقف بي عند وجود ابي وامي وانا بوسطهم عمال اخدمهم واتمنى لو الزمن يرجع يقف عند لحظات اخيرة من حياتهم افضل ابوس ايدهم ورجليهم مرة ثانية وافضل ارد ليهم ولو جزء يسير من اللي عملوه لينا عشان نوصل للوضع اللي احنا فيه دلوقتي
كنت اتمنى الزمان يعدي لحظه دخول امريكا العراق وميجيش علينا ولا لحظه ضرب اطفالنا في غزة عشان ميتكررش كده تاني رغم انه حلم وادي الزمان بيعيد بعضه
كنت اتمنى الزمان يقف عند الانسانة اللي حبيتها 8 سنين من غير مبين ليها اني بحبها ابدا ولما اعترفت ليها قالت ليه انت كنت فين المدة دي كلها كنت منتظرة منك اشارة وانت مش عاوز تلمح او تتكلم وجاي يوم ميكون فاضل على خطوبتي اسبوع تقولي كده بابا قرأ الفاتحة امبارح ولو عاوز اننا نفسخها قولي قلت ليها مش انا الانسان اللي يخطب على خطبة اخيه حتى لو كان فيها موتي مش حياتي لان الرسول قال لعن الله الذي يخطب على خطبة اخيه والذي يبتاع على بيع اخيه ولكن اذا القدر فصلكم لاقدر الله ساعتها اتكلم وتسالني طيب انت ليه سكت السنين دي كلها قلت مكنش عندي استعداد ان حد يشاور عليكي من بعيد او حد يلمح وانا كنت عارف اني لو كلمتك هتروحي تقولي لصديقتك ومأمنش صديقتك دي ابدا وفضلت اني اتقدم ليكي رسمي لما اكون قادر عن اني اعيش الحلم الجميل وافوق عليه .
اتمنى الزمن يقف عند نجاحي بالثانوية العامة ويعدي على اللحظه اللي مرت عليه فيها كلية الهندسة على نصف درجة اه والله بنفس اللحظه اللي فرحت فيها بمجموعي تقتلني هندسة شبين ومنوف على نصف درجة .
اتمنى الزمان يقف عند فرحي بزملائي وفرح زملائي بي ويمر سريعا على لحظه وفاة اعز صديق ليه في السنة اولى ثانوي .
يلا بقة قولوا لو الزمن رجع بيكي تفتكري تخليه يقف فين ويعدي فين يعني اي لحظه حابة انه يقف عندها واي لحظه حابة انها مش تيجي عليكي
رد مع اقتباس

ياترى انتو كمان نفسكو يرجع الزمن ويقف فين
يالا نشوف التفاعل